NCC DG-in Nagaland Governor a ko

National Cadet Corps (NCC) Director General, Lieu­tenant General PP Malho­tra chuan Thawlehni khan Nagaland Go­vernor PB Acharya chu Dema­pur-ah koin mee­ting a neihpui.

Meeting an neihnaah hian General Officer chuan Go­vernor chu National Cadet Corps-ten rampuma an thil tum tihhlawhtlinna kawnga a thlawpna avangin fakawm a tih thu a sawi a, state chhunga NCC te hmalak dan hrang hrang leh activity an neih dan te sawidunin ram inpumkhatna leh ram dinṭhatna kawnga hma an lak dan te an sawidun bawk.

Lieutenant General PP Mal­ho­tra hian ni hnih cham turin Nagaland hi a tlawh a, Thawh­lehni leh Nilaini khan Dima­pur leh Kohima-a tlawh a ni.

General Officer hi ram chhunga National Cadet Corps hotu ber a ni a, Nagaland-ah hian state chhunga NCC kalpui a nih dan enfiah tur leh NCC hotute kawm turin a kal a ni.

Malhotra hian Thawhlehni chawhnu khan Dimapur-a NCC hotute a kawm bawk a, he hunah hian NCC Directorate, North East Region, Shillong officer seniot-te pawh telin Major General Raju Chauhan, Additional Director General NCC, North East Region chuan hmarchhak state-a NCC kalpui a nihdan te a hrilhfiah a ni.

Heta hun an hman zawh hnu hian Nagaland Air Squad­ron NCC, Dimapur ami chu tlawhin training an neih lai te a en ve bawk a ni.