Assam-ah Cancer Hospital 19 leh Dental College pahnih din dawn

Assam Health Minister Himanta Biswa Sarma chuan kum hnih chhungin Assam-ah Cancer Hospital 19 leh Dental College pahnih din a nih dawn thu a sawi a, cancer hospital pakhat hi chu Guwahti-ah din a nih dawn tih a sawi.

Biswa Sarma chuan sor­karin damdawi in dinna tur hmun 19 a ngaihtuah tur zingah hmun 13 chu a enfiah tawh thu a sawi bawk a, Assam state sorkar hnuaia din Assam Cancer Care Foundation leh Tata Trust ṭangkawp te chuan heng damdawi-in te hi an din dawn tih a sawi bawk.

Minister chuan heng dam­dawi in ṭhenkhat sak tura ruahmanna awm te hi chu thla 24 chhungin an sa ṭan nghal dawn tih a sawi a, hmarchhaka mipui awm mi vaibelchhe nga vel zingah kumtinin cancer case 45, 000 vel hmuhchhuah thar a nih ziah thu a sawi tel a ni.

Health Minister chuan Dental Council of India chuan Assam sorkar chu Dibrugarh leh Silchar-a dental college din phalna a pek tawh thu a sawi bawk. Assam-ah hian dental college pakhat a awm mek bawk.

Dental College thar din turah hian zirlai 50 zel kumtin an awm thei dawn niin a sawi bawk a ni.