AP: NHRC hearing Zirtawpniah nei dawn

National Human Rights Commission (NHRC) chuan Arunachal Pradesh-ah Zir­tawpni hian open hearing an nei dawn a, case 57 ngaihtuah a ni dawn. Heng case zingah hian Sino-Indo border-a amenity chhiat thua complaint awm te leh Chakma leh Hajong buaina chungchang bakah Scheduled Caste leh Scheduled Tribe chungchangah te hearing hi neih a ni ang.

Hearing neihna tur hmun hi Itanagar-a Indira Gandhi Park chhunga Dorjee Khandu Convention Centre-ah a ni dawn a, chawhma dar 10-ah ṭan a ni dawn.

Bench pakhat chu NHRC chairman Justice H.L. Dattu-an a kaihruai ang a, bench dang pahnih chu Justice P.C. Ghose leh Justice D. Murugesan ten an kaihruai dawn thung.

Commission hian case hea­ring a neih zawhah hian NGO leh human rights defender-te meeting an neihpui dawn a, Arunachal Pradesh chhunga mipuite nghawng thei thil hrang hrang an sawi ho dawn a ni.

Commission hian chief sec­re­tary pawh meeting a neih­pui dawn a, director-general of po­lice, district magistrates, supe­rintendents of police leh senior civil, police leh jail officer-te pawh meeting a neihpui dawn a, NGO-tena harsatna an tawh chungchang an sawipui bawk ang.

NHRC hian SC leh ST te laka hleihlenna awm ṭhin chungchanga complaint awm te, Arunachal-a cheng Hajong leh Chakma te buaina tawh

ṭhin chungchang te mai bakah healthcare facility chungchangte pawh a ngaihtuah dawn a, National Rural Health Mission kalpui a nihdan chungchang te bakah kawng chhia, power supply chhia leh Right to Education Act kalpui ṭhat a nih loh chungchangte pawh an ngaihtuah dawn a ni.

Heng bakah hian mahni inthat case a pun chungchang te, East Siang district-a Debing khuaa tui intur mumal loh chungchang te, jail dinhmun chhiat thu te pawh ngaihtuah a ni dawn bawk.

IAS officer retire K.B. Saxena kaihhruai commitee chuan kum tinin ST-te buaina tawh chung­changah open hearing a nei ṭhin niin report chuan a tarlang.