AP : CM in Citizenship Bill in state a nghawng dawn loh thu sawi

Arunachal Pradesh Chief Minister Pema Khan­du chuan Nilaini khan inhnialna chawkchhuak nasa tak Citizenship (Amendment) Bill, 2016 chuan Arunachal Pradesh chu a nghawng ve dawn lo tih sawiin he bill avang hian buaina tur a awm ve loh thu a sawi a, an state chuan venghimtu dan an neih sa thu a sawi bawk.

‘Khelo Itanagar’ hun hmannaa reporter ten an kawmnaah Pema Khandu chuan state sorkar chuan hemi chungchangah hian an dinhmun a tichiang tawh tih sawiin, state assembly chuan dan loa ramchhunga raltlan lo lut chu an pawm dawn loh thu a sawi.

Citizenship (Amend­ment) Bill, 2016 hi Lok Sabha-ah Citizenship Act, 1955 siamṭhat nana pharh a ni a, he Bill hnuaiah hian Afghanistan, Bangladesh leh Pakistan mi, India rama kum ruk awm tawh chin te chuan khua leh tui nihna an nei thei dawn a ni.

Hmarchhak hmun hrang hrangah he bill hi nasa taka dodal a ni tawh a, sorkar laipui demna thu pawh mi tam tak leh pawl hrang hrangin an sawi tawh bawk.