Churachandpur-ah plastic bag zawrh leh hman khap

Manipur-a Chura­chandpur Deputy Co­mmissioner chuan thu­pek tichhuakin Chura­chandpur district huam chhungah May 27 aṭang­in polythene emaw plastic bag emaw hman leh zawrh chhuah bakah siam a khap.

Nilaini-a thuchhuah an siamah Churachandpur DC Shyam Lal Poonia chuan district chhungah polythene bag nuai 1.86 vel nitin hman ziah a nih thu ADC report aṭanga a lan thu a sawi a, February 6 daih tawh khan hemi chungchangah hian meeting an neih tawh thu leh May 27 aṭang chuan polyethe/plastic bag hman leh zawrh khap a nih tawh thu a sawi.

Environment Protec­tion Act 1986, the Plastic Waste (Management and Handling) Rule 2016, section 3, 6 leh 25 hnuaiah khapna dan hi siam an nih thu a sawi bawk a ni.