Ampati inthlanah Congress in hnehna a chang dawn : Meghalaya Congress Chief

Meghalaya Pradesh Congress Committee (MPCC) president Dr Celestine Lyngdoh chuan Inrinni khan thuchhuah siamin Ampati constituency inthlanah Congress chuan hnehna an chan ngei dawn thu sawiin an candidate chuan vote a hmuh hnem ber dawn thu a sawi.

Lyngdoh chuan CLP leader, Dr Mukul Sangma chuan he seat hi hunrei tak chhung a luah tawh thu leh seat a luah chhung hian Ampati tan hmasawnna nasa tak a thlen tih a sawi a, mipuite chuan hemi avang hian Congress chu an vote dawn tih a sawi bawk.

An party chu party mala vote nei hnem ber a nih a rin thu sawiin heti chung hian vote an mamawh zat hmu tur chuan an thawhpuite ṭanpuina an mamawh thu a sawi bawk a ni.