Assam by-election neih tura CM campaign khap turin ngen

Assam Legislative Assembly-a opposition leader, Congress hruaitu Debabrata Saikia chuan by-election neihna tur assembly bial pangaah chief minister Himanta Biswa Sarma chu campaign khapsak turin chief election commissioner (CEC) hnenah a ngen.

October 30 hian assembly consituency pangaah by-election hi neih a ni dawn a, political party hrang hrang pawh an campaign ngawrh tlang tawh hle a ni.

CEC Anup Chandra Pandey hnena lehkha a thawnah, Saikia chuan CM Sarma hian a campaign-naah EC model code of conduct chu vawi tam tak a bawhchhia a ni tiin, CM chetdan chuan Parlia­mentary system, Indian election system leh India constitution zahawmna a tichhia niin a sawi bawk.