Hmarchhakah Nipah Virus case awm lo

Manipur Health Service Director, K. Rajo chuan Thawh­lehni khan hmarchhakah Nipah Virus hmuhchhuah a la nih loh thu sawiin social media vela hmarchhaka NipahVirus kai an awm nia thuthang awm chu thuthang dik lo a nih thu a sawi.

Meghalaya-a NipahVirus vei hmuhchhuah nia report awm pawh chu thu dik lo a nih thu sawiin state official-te pawhin he virus kai hi an awm loh thu an sawi ve bawk.

K. Rajo chuan hmarchhak chu mi hrang hrangin nitin an tlawh thu leh natna vei tamna hmun Kerala mi te ngei pawhin an tlawh ṭhin thu sawiin , hemi a nih avang tak hian hmarchhak state-te chu nasa taka he natna do let tura an inpuahchah thu a sawi.

Health Director chuan mipui­te chu fimkhur tura chah nghalin thei an ei dawn a nih pawhin fai taka sil hmasa turin a chah a, state dang mi a bik takin Kerala mi kahwsik deuh nia an hriat chu damdawi-in lamah hriattir vat turin a chah bawk a ni.

K. Rajo chuan Imphal-a dam­dawi-in lian pahnih Regio­nal Institute of Medical Sciences leh J.N. Institute of Medical Sciences-ah te chuan special isolation ward pawh buart­saih lawksa a nih thu a sawi.

Manipur-ah hian Thawhṭanni khan anti-diarrhoea fortnight programme tlangzarh a ni a, he programme hian naupang nuai li vel a huam ang. Rajo chuan he natna hian kumtinin ramchhungah naupang nuaih chuang nunna a lak ṭhin thu a sawi bawk a ni.