Tripura

Tripura-a Covid-19 kai hmuh chhuah tawh chu mi 898 an tling tawh. 

Nilainia sample 1,375 zingah mi 31 chuan hri an kai tih hmuh chhuah a ni a, an vai hian zin chhuahna nei vek an ni. Nilaini vek khan hri kai enkawl zinga 46 chu test nawn an nih hnuah an negative tawh avangin chhuahtir an ni bawk. 

Tripura-ah hian hri kai enkawl mek hi mi 654 an awm a, enkawl dam tawh mi 239 awmin mi pahnihin an thihpui tawh a ni. Sample 43,951 chu test turin lakkhawm a ni tawh a, heng zinga 39,997 chu a result hriat a ni tawh a ni. 

Law and education minister Ratan Lal Nath chuan Tripura chu hmarchhak state zingah Covid-19 sample test ṭha ber a ni thu sawiin, an state testing ratio chu rampuma test neih zat chawhrual aiin a letin a tam tawh zawk niin a sawi. 

Tripura-a sample test tawh zat chu mi maktaduai khatah 8,324 a nih laiin, ram pum huapa test neih chu mi maktaduai khatah 3,345 a nih tih a sawi. Chief minister Biplab Kumar Deb chuan hri leng laka mipuite himna turin test hi a tam thei ang ber neih an tum tih a sawi bawk.