Assam-ah halpuah leh halmawi khap

Pollution Control Board, Assam (PCBA) chuan hunpui thleng turah halpuah leh halmawi a khap.

National Green Tribunal (NGT) thupek bawhzuiin, PCBA hian hunpui lo thleng tura halpuah leh halmawi khuin boruak a tihhbawlhhlawh tur venna atan he khapna thupek hi a tichhuak a ni.

PCB chairman Arup Kumar Misra chuan he khapna thupek hi khauh taka kengkawh turin deputy commissioner leh superintendent of police zawng zawngte pawh hriattirna pek a nih thu a sawi. Police-te chu halpuah supply ṭhinte pawh dang turin a ti bawk.

"Dan loa halpuah/halmawi lo chhek khawlte pawh dapchhuah a ni ang a, a hal luite chu man a ni ang. DC leh SP-te hian PCB hnenah nitina hma an lak dan report an thehlut dawn bawk a ni," a ti.

Hetih lai hian green cracker-te erawh chu darkar hnih chhung hal phalsak an ni thung. Diwali laiin zan dar 8-10 inkar, Chath Puja laiin zing dar 6-8, Krismas leh Kum thar laiin zan dar 11.55 - 12.30 chhung hal phlasak an ni ang. Green cracker-te hi darkar hnih aia tam hal a nih dawn chuan Deputy commissioner-te hnenah a hmain phalna lak lawk a ngai dawn a ni.