Kum 3 hnuah NIT Sikkim campus peihfel hman dawn

Union minister of state for education Subhas Sarkar chuan National Institute of Technology (NIT), Sikkim-a permanent campus chu kum thum chhunga peihfel hman tum a nih thu a sawi.

Kum 2020-a din, NIT Sikkim hian permanent campus a la nei lo a, Ravangla-a temporary campus-ah an la awm a ni.

Ni hnih chama Sikkim tlawhtu, Sarkar chuan Yangyang, South Sikkim-a Sikkim Central University campus sak hna thawh hnihna pawh kum hnih leh a chanveah zawh hman tum a nih thu a sawi bawk.

Minister chuan, "Sikkim sorkarin NIT campus sakna tura Khamdong, East Sikkim-a ram acre 100-a zau min pek avangin kan lawm hle a ni. Tih tur ṭulte peihfel a nih hunah campus sak hna hi thawh nghal a ni ang a, hemi atan hian Rs vaibelchhe 500 ruahman a ni. Ram acre 90-a zau hi tihfel a ni tawh a, a bak acre 10-a zau pawh tihfel thuai a ni bawk ang," a ti. Yangyang-a Sikkim Univeristy campus sak hna thawh khatna chu zawhfel ni tawhin, Rs vbc 98 sen a nih thu minister chuan a sawi a, a thawh hnihna atan hian Rs vbc 300 pek a ni tawh bawk tih a sawi. Sikkim Central Univesity hian kumin hian kum 14 a tling a ni.