Transit camp siam hna thawh mekah Assam-in hun dil belh

Gauhati High Court-in 'foreigner'-a puante awmna tur, transit camp sak zawh hun tura ni 45 hun a bithliah sak chhunga an zawhfel hman loh avangin Assam sorkar chuan hun pek belh a dil.

Assam home department official-te chuan Goalpara district-a Matia hmuna transit camp sak mek chu an zo fel ṭep tawh tih a sawi. He transit camp hi ram acre 25-a zauah sak niin, a senso atan hian Rs vaibelchhe 64 ruahman a ni a, mi 3,000 vel awm thei tura ruahman a ni. School leh hospital-te pawh sak tel nghal tum a ni bawk.

Centre leh thil dang pawimawhte thawh zawh theihna atan state sorkar chuan High Court-ah hun pek belh a dil tih home department official chuan a sawi.

Gauhati High Court hian August 11 khan state sorkar hnenah Goalpara-a detention centre, transit camp tia thlak hi sa zo turin ni 45 hun a pe a ni.