Assam-ah hri kai pung thar leh

Assam-ah kar liam ta chhung khan Covid-19 hri kai an pung thar leh a, mahse chief minister Himanta Biswa Sarma chuan lockdown puan tumna a awm lo tih a sawi.

Hri kai an pun chhoh leh avangin sorkarin lockdown a puang dawn tih thuthangte a awm hman a, mahse CM chuan hri leng chu an khuahkhirh thei tih sawiin, lockdown puan tumna a awm lo tih a sawi a, thuthang dik lo awm chu pawi a tih thu sawiin, belhchian dawn lo a ni tih a sawi. Hemi rual hian mipuite chu vaccine la vek turin a ngen.

Chief Minister chuan vaccine la thei chin, la la lote chu a rang thei anga la vek turin a ngen a, sorkar laipui chuan kum 17 chinte vaccine hi pek theih an ni thuai dawn tih pawh a hrilh niin a sawi.