Tripura sorkarin government-aided school Private organisation-te enkawl tir a tum

Tripura cabinet chuan an state chhunga goverment-aided school-te chu private organisation enkawl tura hlan an rel.

Cabinet meeting thu rel hi Thawhlehnia press conference a neihah cabinet thupuangtu, information and cultural affairs (ICA) minister Sushanta Chowdhury chuan sawiin, heng school dinhmunte hi sorkar chuan kum khatah vawi hnih a enfiah ṭhin ang a, private organisation kuta hlan dan tur a ngaihtuah ṭhin dawn tih a sawi.

Chowdhury chuan, "Private organisation kuta dah a nih dawn pawhin dan mumal tak siam a ni dawn a, pawl pakhatin school pahnih chin an la thei ang a, school enkawl leh staff hlawhte pawh an tumsak vek ang," a ti.