MHRC-in Athuan Abonmei thah a nih dan chhui dawn

Manipur Human Rights Commission (MHRC) chuan September 22-a Tamenglong district-a rukbo a nih hnuah thah zui tak, Zeliangrong tribe hruaitu Athuan Abonmei thih dan chu a chhui dawn.

Abonmei hi Nagaland hel pawl thah nia rin a nih avangin he thubuai hi National Investigation Agency (NIA) kutah hlan a ni tawh.

MHRC chuan Abonmei nupui hi October 12 khan hmuin, an thil chhuina turah pawh theihtawpa thawhpui a intiam tih a sawi. Ocotber 21 khan Abonmei fapa leh Abonmei tana rorelna dik a thlenna tura beitu, Joint Action Committee hruaitute pawh an hmu tawh bawk.

October 25 khan MHRC chuan he case hi chhui chiang turin thutlukna a siam a, an thil hmuhchhuahte chu sorkar kaltlangin NIA hnenah an thehlut ang.