Kaziranga National Park-ah forest range 5 hawng

Assam sorkar chuan Covid-19 hri leng leh ruahsur nasa avanga hun rei tak a khar hnuah, Kaziranga National Park (KNP)-a forest range panga chu khualzinte tlawh theih turin a hawng ṭan ta.

Park thuneitute chuan Nagaon, Golaghat, Sonitpur leh Karbi Anglong district-a Kohora, Bagori, Burhapahar, Dhani leh Laokhoa range-te chu hawn a nih thu an sawi. KNP director P Shivakumar chuan hun rei tak hri leng vanga khawvel ram hrang hranga khuahkhirhna kalpuite chu thlahdul a nih chhoh tak avangin mipuite pawhin rilru thawveng takin National Park hi an tlawh thei tawh dawn a ni, a ti. Hemi rual hian vaccine full dose-a la chin chauhin Park hi an tlawh theih thu leh, Park chhungah pawh inkaihhruaina - mask vuah, hand sanitinizer hmangte chu an zawm zel a ngaih tur thu a sawi.

Kohora leh Burhapahar range-ah hian jeep leh elephant safari-te a theih tawh tih Shivakumar chuan a sawi bawk. October 1 aṭang khan KNP hmun ṭhenkhat hi tlawh theih turin hawn a lo ni ṭan tawh a, hemi hnu hian khualzin 15,000 chuangin an tlawh tawh thu leh, cheng nuai 15 vel an hmuh tawh thu a sawi.