Assam sorkarin khualzin phur motor tlan khap

Assam sorkar chuan March 31 thleng inter-state passenger vehicles (i.e. contract carriages, stage carriages, taxi cabs, maxi cabs) te tlan a khap. He khapna hian bungraw phur motor, mimal motor leh essential emergency service motor leh sorkar motor duty te a huam lo thung.

State transport department chuan airport leh rel station aṭanga an state-a rawn lutte phurhna tur bik motor 80 vel a ruahman tawh bawk a ni. Assam sorkar chuan international flight tihtawp avanga ram pawn lama an state mi leh sa tangkhang mekte chu sorkarin puih a tum tih sawiin, email hmanga an chanchin  kimchang hriattir turin a ti. State sorkar chuan ram danga tangkhang mekte puihnan hian US dollar 2,000 zel pek a tum.