Nagaland Lok Sabha by-poll-ah NDPP in hma hruai

Nagaland Lok Sabha by-election vote chu nimin khan chhiar a ni a, vote tla zat chhiar chinah nimin chawhnu dar thum thleng khan Nationalist Democratic Progressive Party (NDPP) candidate Tokheho Yepthomi chuan hma a hruai hneh hle a, vote 519361 hmu in hma an la hruai.

NDPP candidate Yepthomi hian vote 519361-a hmuh tawh thu leh eptu pawl lam NPF candidate C Apok Jamir chuan vote 365762 a hmu thung. NOTA in vote 3620 an hmu bawk.

Nagaland-a sorkarna siam mek PDA sorkar hnuaiah hian NDPP leh BJP-te chu an ṭangrual a, Yepthomi hi BJP in an thlawp a, NPF candidate Jamir hi Congress in an thlawp thung a ni.

Nagaland Lok Sabha seat hi Chief Minister ni mek Neiphiu Rio-an Assembly inthlan dawn khan Chief Ministerial candidate a nih dawn avangin a chhuahsan a, hemi avang hian inthlan ṭhat hi buatsaih a ni. Lok Sabha by-election hi Thawhṭanni khan neih a ni a, vote 75% a tla.

Election Commission of India (ECI) chuan thupek angin May 30 khan 26th Aonglenden Assembly Constituency hnuaia Polling Station No. 13 Kubza-ah an inthlang ṭha a ni.

NPF candidate C Apok Jamir hi Rajya Sabha member hlui a ni a, Nagaland Chief Minister hlui SC Jamir fapa a ni bawk.

He thu ziah lai hian vote hi chhiar zawh a la ni lo a ni.