Sorkar laipuiin Citizenship Bill chungchangah Assam mipuite ngaihdan la dawn : Sonowal

Assam Chief Minister Sar­bananda Sonowal chuan Nilaini khan sorkar laipui chuan

Citizenship (Amendment) Bill 2016 chungchangah thu­tlukna tak tak an siam hma in Assam mipuite ngaihdan an la hmasa dawn tih a sawi.

Sonowal chuan khan meeting rei tak an neih zawh hnuah he thu hi sawiin Union Home Minister Rajnath Singh hnen aṭangin he thu hi a dawn thu a sawi a, sorkar laipui chuan Assam mipuite ngaihdan a dah pawimawh dawn tih a sawi bawk.

All Assam Students Union chuan Thawhlehni khan Citi­zenship (Amendment) Bill 2016 an duh lohzia lantir nan Assam-ah hunger strike an huaihawt a, pawl hrang hrang 28 laiin AASU hi thlawpin a thlawptu zingah hian Assam-a BJP kaihhruai sorkar in a thurualpui Asom Gana Parishad pawh an tel a, eptu pawl Congress party pawhin an thlawp bawk. He hunger strike-ah hian mi sang chuang fe an tel a ni.

Citizenship (Amendment) Bill, 2016 chungchanga Joint Parliamentary Committee (JPC)-ten tun thlaa Assam an tlawh hnu aṭang khan Bill duh lohna hi nitin pawl hrang hrangin an lantir a, nitin routine ang deuhin a kal tawh hial a ni.

He bill hi Lok Sabha-ah pharh a ni a, pawm a nih chuan Afghanistan, Bangladesh leh Pakistan aṭanga ramdang mi lo lutte chu kum li an awm tlin tawh chuan khua leh tui nihna pek an ni dawn a, hei hi Assam mipuite chuan an duh lo hle a, ram leilung fa te palzutnaah an ngaih bakah Asam Accord 1971 palzutnaah an ngai bawk.