Meghalaya-in 'one day open, two days closure' hmang

Meghalaya sorkar chuan nimin aṭang khan state pumah ni khat inhawn a, ni hnih inkharkhip, 'one day open, two days closure' a hmang ṭan. 

State sorkar chuan khawvel pumah hri lengin zual lam a la pan zel avang leh, an state-a he hri lut ve tur venna atan he ruahmanna hi kalpui an nih thu a sawi. State pawn lam aṭanga lut reng reng chu COVID-19 monitoring system (meghalayaonline.gov.in/covid) ah in ziak lut a, health screening nei vek tura tih an ni. Sorkar office-ah pawh thawktute 50% chin chauhin an inkal chhawk dawn a, hemi rual hian sorkar hnathawk zawng zawngte chu englai pawha telephone/mobile hmanga biakpawh theiha awm reng tura tih an ni.