Sikkim : Hamro Sikkim Party tlangzarh

Sikkim-a Bhaichung Bhutia political party thar ‘Hamro Sikkim Party’ chu Ningani khan Daramdin bazaar, west district-ah tlangzarh a ni.

Party thar tlangzarh a nih tur chungchangah hian minister hlui Ran Bahadur Subba chuan Hamro Sikkim Party chu Sikkim mipui ten an mamawh tak party a nih thu a sawi a, state sorkar in mi rethei te laka dik lo taka ro a rel avang leh hna ṭha taka an kalpui loh avanga party thar din an nih thu a sawi.

Minister hlui chuan mipuite chuan R.B. Subba emaw Bhaichung Bhutia emaw party a nih thu an sawi a, mahse a nihna takah chuan Sikkim mipui zawng zawng- Bhutia, Lepcha, Nepali leh old business communitiy-te party a ni zawk a ni, a ti.

Hamro Sikkim Party founding member M.N. Dahal chuan mipuite hnen aṭangin an party chungchangah thu lawm­awm tak tak an hriat thu a sawi a, Bhaichung Bhutia leh R.B. Subba-ah beiseina an neih san thu sawiin mipuite chuan thil thar an duh tih a sawi bawk.