Assam MLA-in mi rethei ruang hal sak

Assam Congress MLA Rupjyoti Kurmi chuan mi rethei tak, Dilip Dey-a ruang chu a hal ral sak.

Dilip Dey hian a cousin pakhat chiah a chhung leh khat tia sawi theih a nei a, kar hmasa Ningani khan an khua Mariani-ah boral in a ruang halna tur hmuna zawn thleng tur pawh an awm lo a ni.

Rupjyoti Kurmi chuan hemi a nih avang hian a ruang hal chu a mawhah a laksak ta a, a halral na tur zawng zawng a buaipui sak ta a ni. Kurmi chuan Dey chu a retheih thu leh mihring a nihna angin a ruang halral sak chu a mawhphurhna nia a hriat thu a sawi a, a tana a tihtheih awmchhun a nih thu a sawi bawk.

Tualchhung mite chuan Kurmi chuan tunhma pawhin a mihring puite ṭanpuina kawngah hna ṭha tak tak a lo thawk tawh niin an sawi. Kurmi hi Mariani Constituency-ah hian MLA vawi thum lai a ni tawh nghe nghe.