Hmarchhakah Income tax a pung

Union minister of state for finance Shiv Pratap Shukla chuan Pathianni khan Assam-a income tax department review meeting an neih zawh hnua thu a sawinaah hmarchhakah income tax a pun thu a sawi.

Minister chuan income tax hi cheng vaibelchhe 6,093 (2016-17) aṭangin vaibelchhe 7,097 (2017-18)-ah a pun thu a sawi a, 2015-16 khan cheng vaibelchhe 5,200 a nih thu a sawi bawk.

Union Minister chuan chhiah petu pawh mi nuai 1.89-a an pun thu sawiin fiscal year hnuhnung berah khan hmarchhakah chhiah petu hi mi nuai 7.38 an awm tling tih a sawi a ni.

Shukla chuan hmarchhakah hian ramchhung hmundang ai chuan chhiah chawi an tlem bik hrim hrim thu sawiin Income Tax Act Section 10(26) hnuaia ngaihnathiam an tam thu a sawi.

Minister chuan Sixth Schedule of the Constitution in a tarlan angin Scheduled Tribe mi Dima Hasao, Karbi Anglong leh Bodoland Territorial Area District bakah Khasi, Jaintia leh Garo hills-a autonomous hnuaia awm te bakah Arunachal Pradesh, Manipur, Mizoram, Nagaland leh Tripura state-te chu income tax an awl thu a sawi a ni.

Minister chuan internet chhiat vangin harsatna an tawh nasat thu sawiin hemi avang hian income tax return online filing emaw e-filing emawah harsatna an tawh nasat thu sawiin buaina chinfelna pawh hi an zawng mek niin a sawi bawk.