Nagaland : NDPP leh NPF-te an vote hmuhah lawm

Nagaland-a rorellai Nationalist Democratic Progressive Party (NDPP) leh eptu pawl Naga Peo­ple’s Front (NPF) te chuan Lok Sabha by-elec­tion-a an vote hmuh zat chu a pun avangin lawmawm an tih thu an sawi ve ve.

May 28-a Lok Sabha by-election neihah khan NDPP candidate Tolheho Yep­thomi chuan NPF can­didate C Apok Jamir lak­ah hnehna a chang a ni. NPF hi Congress in support mah se PDA ṭangrual sorkar hi an hneh zo ta lo a ni.

Hetiang hi ni mah se NPF chuan assembly in­thlanah khan vote 3,89,912 an hmuh laia an candidate C Apok Jamir-an vote 4,20,459-a hmu thei chu lawmawm an tih thu sawiin, vote 30,547 laia vote tu an tam zawk chuan mipuite hmangaihna leh thlawpna a tilang chiang hle tih an party thupuangtu Achumbemo Kikon chuan Inrinni khan a sawi.

NDPP pawhin vote tla zawng zawng 10,18,658 aṭanga vote 5,94,205 an hmu thei chu hmasawnna nasa tak a nih thu an sawi a, Assembly inthlanah khan vote 54% an hmuh laiin Lok Sabha by-poll-ah erawh vote 58.33% an hmu thei chu lawmawm an tih thu an sawi bawk a ni.