Meghalaya sorkarin Harijan Colony ram lei fel

Meghalaya sorkar chuan Shillong-a Harijan Colony/Them Metor ram chu a nei fel ta.

State deputy chief minister Prestone Tynsong chuan Syiem of Myliem (traditional head) hnenah sorkar chuan cheng vaibelchhe hnih a pe tih a sawi. Helai ram chungchanga buaina pawh thunun a ni tawh a, state pawn lama NGO-te pawh he hmun hi tlawh a, an ngaihdante sawi turin a sawm bawk. Helai hmuna chengte sawnchhuah dan chungchang erawh engmah a la sawilang lo a, dan ang taka thil kalpui a nih tur thu a sawi.

Meghalaya sorkarin Punjabi te chenna, Shillong-a Harijan Colony ram neih a tum hi Harijan Panchayat Committee chuan nasa takin an dodal a, state sorkar thiltih dan chu dan kalh niin an lo sawi tawh a ni. Helai hmunah hian Punjabi te hi kum 200 chuang an lo khawsa tawh nia sawiin, theihtawpa beih let an tum thu an sawi. An chenna bial chu tribal chief in an thlahtute hnena a pek a ni a, a neitu dik tak niin an inchhal a ni.