Tripura-ah misualten Kali temple hungna tichhia

Tripura-a Unakoti district-ah misual ṭhenkhatin Kali temple hungna an tichhia a, Akhil Bharatiya Vidyarthi Parishad (ABVP) hruaitu pakhat chu chema vih a ni bawk. He thil thleng vang hian Inrinni liam ta aṭang khan Kailashahar sub-division huam chhungah CrPC Section 144 puan nghal a ni.

ABVP hruaitu Shibaji Sengupta khawih a nih chungchangah mi pakhat chu man a ni tawh a, Sengputa hi a dinhmun a ṭha vak lo nia sawi a ni bawk.

He thil thlen hma hian, October 26 khan Vishwa Hindu Parishad (VHP)-ten Bangladesh rama Hindu-te beih a nih avanga lungawi lohna lantira rally an huaihawt ṭumin Panisagar division-a Chamtilla area-ah mosque suasam a nih bakah Muslim-te dawr pahnih halsak an lo ni tawh bawk a ni.