Manipur-ah bank branch thar 30 dah dawn

Manipur-a state banking service tihchangtlunna turin bank branch thar 30 leh ATM centre 40 thar dah a ni dawn

Union minister of state for finance Dr Bhagwat Kishanrao Karad chuan Imphal-a press conference a neihah hei hi sawiin, Manipur-a district 16-ah NABARD bank unit dah vek an ni dawn tih a sawi bawk. Hei hi loneitute tan a ṭangkai dawn hle a ni, a ti.

Karad hian kar liam ta khan Manipur hi tlawhin, chief minister N Biren Singh, state finance minister Y Joykumar leh finance department official-te a kawm a, state sum dinhmunte a sawipui a ni. Union minister chuan Manipur bank ratio chu nuai khatah 12 chauh a ni a, hetihlai hian national average chu 40 a ni, a ti. State financial literacy lamah pawh hmasawn a ngaih thu sawiin, hemi atan hian bank hrang hrangte chuan door-to-door campaign te pawh an la buatsaih tur thu a sawi bawk.

Chief minister N Biren Singh-a hruaina hnuaiah Manipur banking service chuan hma a sawn hle a, Pradhan Mantri Jan Dhan Yojans hnuaia bank account hawng pawh national average aiin a tha zawk tih Karad chuan a sawi. Union minister hian CM Secretariat-a State Bank of India (SBI) in Credit Outreacj programme an buatsaih pawh hmanpuiin, he hunah hian beneficiary 1,570 hnen cheng vaibelchhe 65.50 pek chhuah a ni.