AP CM in IOCL CGM-te Petroleum Depot siam belh turin ngen

Indian Oil Corporation Ltd (IOCL) official-te leh Arunachal Pradesh Chief Minister Pema Khandu te chuan Thawhlehni khan meeting neiin CM chuan IOCL CGM-te chu state chhunga Petroleum Depot siam belh turin a ngen.

IOCL hi Chief General Manager (AOD) Uttiya Bha­ttacharya chuan a kaihruai a, Arunachal Pradesh lamah hian Chief Minister bakah Deputy Chief Minister Chowna Mein, Civil Supply Minister Kamlung Mossang, Secretary Civil Supplies leh departmental officer ṭhenkhat pawh an tel.

Bhattacharya chuan state chhunga Indian Oil hmalak dan hrang hrang te sawiin commercial outlet an kalpui mai bakah central sorkar hnuaia Gram Swaraj Abhi­yan (GSA) hnuaiah PMUY connec­tion thingtlang hmun kilkhawr­ah te an kalpui mek thu a sawi.

CGM chuan hmarchhaka GSA hnuaiah hian thingtlang khaw 6,000-ah connetion an pek dawn thu sawiin, Arunachal Pradesh bikah hian khaw 299-ah connetion an pek tawh thu leh chhungkaw 8,995-ah connection an pek tawh thu a sawi a, chhungkaw 10,000 an target thu a sawi bawk.

Arunachal Pradesh chu hmarchhaka LPG consumer tamna ber zinga mi a nih thu a sawi a, chu chu thu lawmawm tak a nih thu a sawi a ni.

Uttiya Bhattacharya chuan Chief Ministern hnen­ah LPG state in an tlakchham loh tur thu a hrilh nghal bawk.

Chief Minister-in Petro­leum Depot dahbelh tura a ngenna chu chhangin state chhungah outlet 55 an neih thu leh 16 dahbel tura hna an thawh mek thu a sawi. PSU chuan sorkar in ṭul a tihna apiangah petrol-pump an hawn theih thu a sawi a, Doimukh-a an main depot pawh an tihlen mek thu a sawi bawk a ni.