Manipur-ah Plastic hman khap thuai dawn

Manipur Chief Minister N. Biren Singh chuan Thawhlehni khan sorkar in state chhungah palstic bag/polyetene hman a khap thuai dawn thu a sawi.

Imphal East District-a Luwang­shang­bam-a hmuna World Environment Day an hmanna, Cherry Blossom Avenue a hawnnaah Chief Guest niin thu a sawi a, Chief Minister chuan sorkar chuan dawr nghaktute pawh thla thum chhunga plastic bag an hman ṭhin chu thildanga thlak vek tura an hriattir tur thu a sawi. Hei hi sorkar in state chhunga plastic bag hman leh zawrh a khapna kawnga an hmalakna pakhat tur a nih thu a sawi bawk.

Bawlhhlawh tam leh boruak bawlhhlawh hriselna in a tawrh phah nasat thu sawiin Chief Minister chuan youth club leh voluntary organisation ṭhenkhat an veng chhunga faina lam kawnga hnathawk ṭhinte chu sum hmanga an ṭanpui dawn thu a sawi.

Private entrepreneur ṭhenkhat chuan plastic tihbona kawngah leh faina kawngah hma an lak tawh thu sawiin, CM chuan environment protection leh pollution dona kawnga campaign chuan nghawng ṭha tak a neih dawn thu a sawi a, mipuite leh sorkar an ṭanrual a pawimawh dawn hle a ni, a ti.

Biren Singh chuan Yangoi Maril-a km sarih ngawta thuia plastic material tam tak mai kum 30-40 chhung vel paihkhawm tawh pawh thenfai mek a nih thu a sawi bawk.

He hunah hian sorkar official eng emaw zat an tel ve bawk a ni.