NSCN-K in Nagaland-a AR hmun bei

Naga hel pawl National Socialist Council of Nagaland – Khaplang (NSCN-K)-te chuan Thawhlehni zing khan Nagaland Mon District-a Assam Rifle hmun an bei.

Report in a tarlan dan chuan Lampong Sheanghah thingtlang khuaa Assam Rifle outpost chu NSCN-K helte hian an bei a, Assam Rifles jawan pakhat in hliam a tuar a ni. Lampong Shea­nghah hi district headquarter Mon aṭanga km 15 vela hlaa awm a ni.

Hel pawl ten an beih hun hi zing dar 2 leh 2:20 inkar vel a ni a, Assam Rifle lam pawh hian rang takin an kap let ve nghal bawk. Assam Rifle jawan pakhat hliam hi Mon military base-ah thawn nghal a ni a, rang taka enkawl a ni nghal bawk.

Civil mi thi leh hliam an awm erawh report ani lo thung.