Sikkim-a Bhaichung Stadium hawng ta

South Sikkim-a Namchi khuaa footballer, Bhaichung Bhutia hming chawia Bhaichung Stadium siam chu Pathianni khan hawn a ni ta.

Cheng vaibelchhe 62 senga siam, mi 10,000 ṭhut len theihna Bhaichung Stadum hi Sikkim governor Ganga Prasad-a'n a hawng a, hawnna inkhawmah hian chief minister Prem Singh Golay leh Bhaichung Bhutia te pawh an tel.

Stadium hi ‘Fifa Quality Pro’ label pek niin, stadum zau zawng hi square meter 19.650 a ni a; physiotherapists, managers, linesmen, referees, changing leh coach room-te a awm. Hei bakah hian food court, computer, media leh public address room-te a awm bawk. VVIP lounge, hostel, warden, commentator leh utility room-te pawh a awm a ni.