Congress-in Assam-ah membership drive kalpui ṭan

3rd November, 2021

Assam Pradesh Congress Committee (APCC) chuan Thawhṭanni aṭang khan special membership drive an nei ṭan a, thla nga chhungin member thar nuai 33 lakluh hman an tum.

Membership drive hawnna APCC working president Rana Goswami chuan Guwahati-a state party headquarters-ah a hawng a, nakkum March 31 thleng an kalpui ang.

Gowani chuan Congress party chuan rampum huapin special membership drive hi a kalpui tih sawiin, grassroots level aṭanga ṭanin state level-a kalpui a nih dan chu special committee-in a enpui dawn tih a sawi. Party member lo ni tawhte pawh an member nihna tithar leh turin a sawm bawk.

Member tharte lakluh hi online hmang pawhin a theih dawn a, hemi atan hian party chuan website thar pawh a siam thuai tih APPC working president chuan a sawi.