Assam-ah hmeichhe pakhat jeans hak vangin dawr aṭangin hnawtchhuak

Assam-a Biswanath district-ah kar liam ta khan hmeichhe pakhat chu burqa ha loa jeans a hak avangin dawr neituin a hnawtchhuak a, midang pahnih nen he hmeichhe pa hi kut an thlak zui nia sawi a ni.

He thil thlenna hmun hi Guwahati aṭanga km 230 vela hla, Biswanath Chariali hmunah a ni. He hmeichhia hi earphone lei tumin dawrah hian a kal a, mahse dawr neitu Nurul Amin chuan burqa ha lo a jeans a hak avangin a lei tir duh loh bakah, dawr aṭang hian a nawr chhuak niin police-te chuan an sawi. Hmeichhia hian a chunga thil thleng hi a chhungte a hrilh hnuah a pa chu dawrah hian a lungawi loh thu hrilhin a va kal a, mahse dawr neitu leh a chhungte chuan kut an lo thlak zui leh a ni.

Police officer Rajen Singh chuan kut tuartu chhungte hian Biswanath Chariali police station-ah FIR an thehluh thu sawiin, dawr neitu leh a chhungte hi manin jail-ah dah nghal an nih thu a sawi.