Meghalaya-a healthcare project kalpuina tur inremna ziak

Sorkar laipui, Meghalaya sorkar leh World Bank chuan Meghalaya state-a USD maktaduai 40 hu healtcare project kalpuina tur inremna an ziak.

He project, Meghalaya Health Systems Strengthening Project hi state chhunga health service tihchangtlunna tur leh, health emergency leh Covid-19 hri dona kawnga state sorkar thuam chakna tur a ni. State chhunga district 11-ah he project hi kalpui vek a ni ang.

Minister of finance chuan sorkar laipui chuan healthcare system thuam chak leh tihlen zel chu a dah pawimawh hle tih sawiin, he project pawh hi state health service tihchakna tur niin, mi rethei leh dinhmun harsa zawkte pawhin an chhawr theih tur a ni, a ti. Inremna hi sorkar laipui aiawhin ministry of finance-a department of economic affairs-a additional secretary Rajat Kumar Mishra, Meghalaya sorkar aiawhin health and family welfare department-a joint secretary Ramkumar S leh World Bank aiawhin country director Junaid Ahmad-ten an ziak.