Shillong-a mobile internet hman theih loh vangin mipui buai

Shillong buaina chhuak vanga mobile internet an block avangin mi eng emaw zat in harsatna an tawk mek.

Nu leh pa ṭhenkhat chuan zirlai admission tih hunlai a ni a, online-a admission a tih theih loh vangin buaina an tawk nasa tih an sawi a ni.

Hetih lai hian Laitumkhrah leh a chhehvela school leh college-te chu dan pangngai angin hawn a ni a, curfew in a huam chinah erawh dawr leh school zawng zawng khar vek a la ni bawk.

Information and public relations minister A.L. Hek chuan boruak a daih fel velah mobile internet pawh a hman leh theih nghal dawn tih a sawi.

Federation of Shillong Hotel pawhin buaina chhuak avang chuan tourist pawh an kiam phah tih an sawi ve bawk a ni.