AP : ST list-ah Tribe panga telh an ni dawn
Arunachal Pradesh Parliament member Ninong Ering chuan Yobin, Nocte, Tutsa, Tangsa leh Wancho hnamte chu Arunachal Pradesh Scheduled Tribes (ST) list-ah telh turin Union Tribal Affairs Minister Jual Oram in a tiam tih a sawi.
Ering hian Thawhlehni khan Union Tribal Affairs Minister hi a hmu a, heng hnamte hi a rang thei ang bera list-ah hian telh ve turin a ngen a ni.
Ninong Ering hian Union Minister hnenah hian heng hnamte hian ST list-a an tel ve loh avang hian state sorkar aṭanga hamṭhatna an dawn theih tur ang pawh an hloh nual tawh tih a hrilh.
Ering chuan Union Minister a hmuh zawh hnu lawkah hian heng hnam te hi state ST list-ah telh thuai an ni dawn tih tiam a nih thu a sawi a, hun rei a ngaih tawh loh tur thu a sawi bawk.
Registrar general chuan heng hnam te ST list-a telh an nih leh nih loh tur chungchang hi tribal affairs ministry kutah a awm nia a ngaih thu Ering chuan a sawi bawk a ni.