Manipur Mahila Congress ten Gas man sang duh lohna lantir

Manipur Pradesh Ma­hila Congress Committee leh Congress youth committee member-te chu Nilaini khan state Congress Bhavan, B.T. Road-ah gas man sang zel duh lohna lantir nan an pungkhawm.

Pungkhawm te hian gas cylinder chungah basket dahin, basket chungah tuithawl an dah leh a, hei hi gas man sang zel entir nan an hmang.

State Mahila Cong­ress president, L. Tilota­ma chuan Congress in sorkarna an chan lai khan gas bur khat chu cheng 430 a nih thu sawiin khatih hunlai khan Sushma Swaraj leh Smriti Irani chuan Congress chu an sawisel tih a sawi a, tunah erawh cheng 834 zet a ni tawh tih a sawi.

Pungkhawm te hian BJP chu vantlang hmaa dawt thu tiamah puhin BJP hruaitute chu pawngsualtu diktak an nih thu sawiin scheme ṭhenkhat Beti Bachao Beti Padhao scheme ang te chu awmze nei lo a nih thu an sawi a ni.