Arunachal mi Taka Tamut hnenah Adventure Award hlan

Arunachal Pradesh tlang lawn mi, Taka Tamut hnenah India rama adventure sports chawimawina sang ber, Tenzing Norgay National Adventure Award-2019 hlan a ni ta.

Taka Tamut hian kum 2019-a an state AN-32 aircraft chetsual ṭum khan chhanchhuah hna thawhna kawngah Indian Air Force (IAF) te puiin, ni 18 chhung ruang a zawnpui a ni. Kum 2018 khan Sherpa leh midangte puihna tel loin Mount Everest a lawn tawh bawk.

He chawimawina hi union sports minister Anurag Shing Thakur chuan New Delhi-a inkhawm buatsaihah Tamut hi a hlan a ni.

Tenzing Norgay National Adventure Award hi a hmain National Adventure Awards tih a ni ṭhin a, kum 1953-a Mount Everest lawnchhuak hmasa ber pahnih zinga pakhat, Tenzing Norgay hming chawia siam a ni. Kuminin he chawimawina hi ministry of youth affairs and sports chuan a pe chhuak ṭhin.

Hripui leng vangin kum 2019 atana chawimawina dawngte nikum August thla khan virtual ceremony hmangin pek a ni a, citation leh trophy-te hi an dawn theih loh avangin tunkar Thawhṭanni khan hlan an ni ta chauh a ni.