ADB-in Tripura khawpui tan Rs vbc 458 loan pek remti

Asian Development Bank (ADB) chuan Tripura khawpui, Agartala-a infrastructure thuam chakna turin loan, cheng vaibelchhe 458 pek a remti.

India rama khawpui ṭhang chak ber zinga mi, Agartala hi hmarchhak bial tana sumdawnna hmunpui pakhat a ni chho mek tih official-te chuan an sawi.

Sorkar laipuiin Smart Cities Mission programme a kalpui mek puihna turin ADB hian loan hi a pe dawn a, hemi hmang hian khawpui chhunga drainage facility-te thuam ṭhat niin, kawng km 23-a thui siam a ni bawk ang. Maharaja Bir Bikram College lake leh Ujjayanta Palace-ah lakeside walkway te siamin, khawpui chhunga open space-te chu chei ṭhat an ni dawn bawk. ADB hian loan a pek bakah technical lamah pawh a pui dawn bawk a ni.