Assam CM-in a hminga thu dik lo thehdarhte laka action la turin ti

Assam chief minister Himanta Biswa Sarma chuan state police-te hnenah social media-a a hminga thu dik lo thehdarhte chu zawng chhuak a, an chungah action la turin a hriattir.

CM hminga tweet nia sawi, an state-a Covid-19 hri kai an pun leh avangin November 20 aṭangin school leh college-te khar a ni leh vek dawn tih screenshot chu social media lamah thehdarh a ni a, hei hian mipui pawh a tibuai hman hle a ni. Hemi hma pawh hian school hawn a ni dawn lo tih CM sawi anga tarlan chu thehdarh a lo ni tawh bawk.

Guwahati Police-te chuan dawt thu thehdarhtute hi zawn mek an nih thu leh, FIR pawh ziahluh a ni tawh thu an sawi.

CM chuan thu dik lo thehdarh a nih chungchangah mipuite chu chiai lo tura chahin, dawt thu thehdarh ṭhin lakah fimkhur turin a chah.

Assam-ah hian September thla aṭang khan a tahtawlin school leh college-te hi hawn ṭan an ni tawh a ni.