Tripura civil poll neih turah candidate 829 awm

Tripura election commission chuan November 25-a urban local body 20-a inthlan neih turah candidate 829 an awm tih a sawi.

Nomination paper-te hi state election commission-in returning officer atana a ruat, sub-divisional magistrate-te hnenah thehluh a ni. Nomination paper thehlut zingah candidate 212 te chu seat 51 awmna, Agaratla Municipal Corporation inthlana chuh tumte an ni a, an zingah hian independent candidate 13 an tel. Nomination paper hi November 8 thleng hnuhdawh theih a la ni.

Nilaini kha nomination paper thehluh theih hun tawp niin, urbal local body pasarih - Kamalpur Nagar Panchayat, Jirania Nagar Panchayat, Ranirbazar Municipal Council, Mohanpur Municipal Council, Udaipur Municipal Council, leh Santirbazar Municipal Council-ah chuan BJP chu chuhtu awm loin an chak nghal.

Urban local body 20-a inthlan neih turah hian vote nei 5,94,772 an awm a, hmeichhia 3,07,077 leh mipa 2,93,979 vote nei an awm. Vote thlakna tur polling station 770 siam a ni ang. November 25-ah vote hi thlakin, November 28-ah vote chhiar a ni ang.