‘Make in India’ zawhah ‘Make in Northeast’ in chhunzawm dawn: Jitendra Singh

DoNER Minister Jitendra Singh chuan Prime Minister hmathlir ‘Make in India’kalpui a nih zawhah a zulzui chiahin hmarchhak area tan ‘Make in Northeast’ in a chhunzawm dawn thu a sawi.

Singh chuan hmar­chhak-a state awm zawng zawng chu hmar­chhak tia ko tawp tawh lo in state tinin special-na an neih ṭheuh anga an hming a hranga koh a ni dawn tih a sawi a, Sikkim Organic state tia a koh theih ang leh Manipur Textile state tia a koh theih ang chiah hian state dangah pawh hmasawnna thlen an tum tih a sawi a ni.

Stakeholder-te chu state tinte hriat hran an nih theihna tur haichhuahsak turin a chah bawk a, sorkar laipui Act East Policy chu ṭha taka kalpui turin a chah bawk.

Minister chuan North Eastern Development Fi­nance Cor­poration Ltd, North East Small Finance Bank Ltd leh tunhnaia lar thar Northeast Venture Fund te chu hemi kawnga hma la tur hian an hman theih thu a sawi a ni.