NE Human Rights Organization in Assam police-te chet dan dem

North East Human Rights Organization (NEHRO) Assam state unit chuan Lower Dibang Valley district-a Kangkong khuaa June 1-a Joshua Ngupok sawisatu police-te chu an dem thu an sawi a, an lakah action lak an phut thu an sawi.

Tinsukia superintendent of police hnena June 8-a complaint an thehluhah NEHRO chuan Ngupok chu Assam police ten Tinsukia district-a Shantipur police outpost chhungah nasa taka an sawisak thu leh a hnuah damdawi inah hruai a ngaih hial thu an ziak. Ngupok hi police outpost-ah hian misual ṭhenkhat in chempui hmanga vauin an hruai tih an ziak bawk.

An complaint thehluhah hian police-te sawisakna avangin Josua Ngupok-a cervical lor­dosis a chhiat phah thu an ziak lang tel a ni.

NEHRO chuan police-te chet dan chu a mihring lo hle tih sawiin human rights palzutna lian tak a nih thu an sawi a, police-te duty dan chuan mihringte venhim lam chu a hnaih lo hle tih sawiin pawikhawitute lakah action na taka lak an phut thu an sawi.