Manipur MLA 2-in BJP an zawm

Manipur-a MLA pahnih ­chuan Thawhṭanni khan rorellai, Bharatiya Janata Party (BJP) an zawm.

BJP zawmtute hi Congress MLA nilai Yamthong Haokip leh Congress party aṭanga hnawtchhuah tawh, RK Imo Singh-te an ni. New Delhi-a BJP headquarters-ah BJP national president JP Nadda chuan an party-ah a lawmlut a ni.

RK Imo Singh chuan prime minister Narendra Modi-an India rama muanna leh hmasawnna thlenna tura a beihna chuan a rilru a hneh hle a, hei vang hian BJP hi a zawm tih a sawi. Manipur tana inner line permit (ILP) system siamsak a nih chungchangah PM Modi leh union home minister Amit Shah chungah lawmthu a sawi bawk.

Imo Singh hi Manipur-in union minister a neih hmasak ber leh chief minister hlui, RK Jaichandra Singh fapa niin, Manipur chief minister ni lai N Biren Singh-a makpa a ni.

BJP zawmtu MLA dang Yamthong Haokip hi Saikul biala Congress ticket-a thlan tlin niin, 2nd Manipur Rifles battalion-te ralthuam man bo chungchangah mawhphurtua puh zingah a tel a, he thubuai hi National Investigation Agency (NIA) in a chhui mek a ni.