Tripura CM hlui Manik Sarkar venhimna tikhauh BJP worker-ten a zinkualnaah an tibuai

Tripura Chief Minister hlui Manik Sarkar venhim­na chu tihkhauh a nih thu Thawhlehni khan police-ten sawiin, hei hi BJP worker-ten a zin kualnaah an tihbuai nasat vang a nih thu an sawi.

Manik Sarkar hi tunah hian Tripura-ah hian oppo­sition leader a ni mek a ni.

Sarkar hi Communist Party of India-Marxist (CPI-M) Assembly Chief Whip leh Minister hlui ni bawk Tapan Chakraborty leh party legislator Pravat Chowdhury te nena tribal chenna hmun Dhalai dis­trict-a eitur leh hnathawh tur van avanga harsatna thleng mek enfiah tura Thawhṭanni khan an kal a ni.

Dhalai district police chief Sudipta Das chuan BJP worker-te hi Sarkar dodal zawngin nasa taka an lo au thu a sawi a, hemi chungchang hi Thawhṭanni vek khan CPI-M Chief Whip hian Chief Minister Biplap Kumar Deb pawh phone in a hrilh nghal bawk.

CPI-M chuan Dhalai District-ah hian rilṭam­in mi pahnih an thi tawh tih an sawi a, mi za tel Bangladesh-ah an dam­chhuah­na tura an kal tawh thu an sawi bawk. MGNREGA (Mahatma Gandhi National Rural Employment Guarantee Act) hnuaia hna awm te chu tihtawp deuh vek a nih tawh thu sawiin BJP sorkar chu an la ngawi tlat tih an sawi a ni.

Hetih lai hian BJP lam erawh chuan Manik Sarkar zin hi an tihbuai loh thu an sawi ve thung.