Tripura sorkarin investment summit buatsaih dawn

Tripura-a BJP-IPFT (Indigenous People’s Front of Tripura ) sorkar chuan a vawi khatna atan December thla hian industry summit buatsaih a tum a, hei hi an state chhunga sumdawngte tana hun remchang siamsakna tur leh investment ti tura midangte hipluhna tur a nih thu official-te chuan an sawi.

Ni hnih awh tur ‘Destination Tripura Investment Summit 2021’ hi December 10 leh 11 hian buatsaih a ni dawn a, Indian Chamber of Commerce nen an thawkdun dawn a ni.

Business summit neih tur BJP leh IPFT-ten kum 2018-a sorkarna an siam hnua an buatsaihna hmasa ber tur a ni a, he hunah hian business promotion organisation leh micro, small and medium enterprises (MSMEs) tihhmasawnna tura financil institution-te hnathawh leh hmalakna te tarlan a ni ang.