Meghalaya-a SSA zirtirtuten thla 5 hlawh la tawh lo

Meghalaya Sarva Shiksha Abhiyan (SSA) Schools Association chuan thla nga chhung hlawh an lak theih tawh loh avangin hlawh pek phutin Thawhlehni khan district 11-ah lungawi lohna an lantir.

SSA zirtirtute hian June, July, August, September leh October thla hlawh an la tawh lo a, tun thla hlawh pawh pek an la ni lo bawk. State sorkar an harsatna a ngaihtuah sak loh avanga lungawi loin, district hrang hranga zirtirtute hian kawng an zawh a ni. SSA zirtirtute nawrh huaihawt hi pressure group dang - Hynniewtrep Integrated Territorial Organization, Hynniewtrep Youth Council leh pawl dangte chuan an thlawp bawk. Zirtirtute hian education minister Lakhmen Rymbui chu portfolio chan aṭanga tihtawp sak turin chief minister Conrad K Sangma an phut bawk a ni.

Hetih lai hian state sorkar chuan sorkar laipui lam aṭangin zirtirtute hlawh tur hi first installment pawh pek chhuah a la ni lo tih a sawi thung.