Kum 2022 August-ah ‘Lower Subansiri Hydroelectric Project’ hman theih dawn

National Hydroelectric Power Corporation (NHPC) chuan Assam-Arunachal Pradesh border, AP state chhunga Lakhimpur district-a Gerukamukh-a 2000-MW Lower Subansiri Hydroelectric Project thawh mek chu nakkum August thlaah hman theih a ni tawh dawn tih a sawi.

Hetih lai hian All Assam Studetns Union (AASU) chuan he dam siam hian Assam state huam chhung, lui mawng lama chengte tan harastna nasa tak a thlen thei tih sawiin, he project tihtawp phut hian state pumah nawrh an lo huaihawt fo tawh a ni. Assam sorkar, AASU leh NHPC-ten kum 2006-a inbiakna an neih hnuah project hna thawh hi hun rei tak chawlhsan a ni a, mahse tun hnaia chhunzawm leh a ni. AASU bakah Asom Jatiyatabadi Yuba Chatra Parishad (AJYCP), leh Krishak Mukti Sangram Samiti (KMSS)-te pawhin thuneitute hnenah project hi titawp turin an lo nawr tawh bawk.

Project hi thawh mek a ni a, hman theiha peihfel a nih hunah chuan kum khatah power millions units (MU) 7421.59 a siamchhuak thei dawn a ni.