Eng party mah an campaign tur dansak an ni tur a ni lo : SC

Supreme Court chuan Tripura sorkar hnenah local body inthlan neih turah eng political party mah, Trinamool Congress pawh huamin boruak ṭha tak hnuaia campaign turte chu dan an ni tur a ni lo tiin a hrilh.

SC chuan Tripura sorkar chu municipal inthlan neihah political party hrang hrangte dikna chanvo dalsak an nih lohna tura dan leh thupekte ṭha taka kenkawh a nih theihna tura ruahmanna siam turin a ti bawk.

Trinamool Congress (TMC) party leh an party Rajya Sabha MP Sushmita Dev-ten Tripura-a an party worker-te leh aiawhte beih an nih fo thu leh, an himna ngaihtuahsak tura Supreme Court-a ngenna an thehlut an ngaihtuah hnuah, justice DY Chandrachud, Surya Kant leh Vikram Nath-te awmna bench chuan state sorkar hriattirna hi a tichhuak a ni.

Inthlan neih tur atana inbuatsaihna kalpui a nih tawh avangin, inthlan chuh tum party tinte chu electoral rights an neih angin campaign an neih turte dal an ni tur a ni lo a, dan leh thupekte dik taka kenkawh a nih theihna turin state home affairs department-a secretary leh Director General of Police-te chuan ruahmanna an siam tur a ni, tiin SC chuan a sawi.

SC chuan TMC-te petition thehluh hi November 25-ah ngaihtuah chhunzawm leh turin a dah a ni.