Border village-te tan fund pe turin AP Governor-in sorkar laipui a ngen

Arunachal Pradesh governor Brig (Retd) Dr BD Mishra chuan an state chhunga ramri hrula khaw hrang hrangte tihhmasawnna tur fund pe turin sorkar laipui a ngen.

Governor chuan financial year kal mekah, state sorkar chuan Indo-China border-a chengte khawsak phung chawikan a, inpawhna ṭha zawkte siamna tur model village pathum siam nan cheng vaibelchhe 30 a pek thu a sawi. State sorkar hmalakna hi pui turin sorkar laipui chu a ngen a ni.

Arunachal Pradesh sorkarin economic activity lama a hmalakna tichak turin Changlang district-a Pangsau Pass-ah Myanmar nena insumdawn tawnna tur leh border haat hawn dan ngaihtuah pui turin Governor chuan a ngen bawk. Hei bakah hian Arunachal Pradesh khawpuite leh South-eastern Asia ram khawpuiten Sister City Agreements an siam theih dan kawng zawnpui turin a ti bawk.